• weather cur airplane

    პანკისის ხეობის სოფლები სპორტული ინვენტარით აღიჭურვა

    შაბათი, 07 ივლისი 2018 14:05 view 812
    პანკისის ხეობის სოფლები სპორტული ინვენტარით აღიჭურვა

    კულტურისა და სპორტის მინისტრი მიხეილ გიორგაძე ახმეტის მუნიციპალიტეტში სპორტსმენებს შეხვდა და ახმეტაში, მატანში, საკობიანშო, დუისში, ქვემო ხალაწანში, დუმასტურში, ომალოსა და ჯოყოლოში, ადგილობრივ  სპორტულ ჯგუფებს საფეხბურთო ეკიპირება, კალათბურთის ფარები, მაგიდის ჩოგბურთის ინვენტარი, ბილიარდის მაგიდა, ძიუდოს კიმონოები, საჭიდაო ჩოხები და სხვადასხვა სპორტული ინვენტარი გადასცა.

    სამინისტროს ინფორმაციით, სპორტული ინვენტარი მიიღეს პანკისის ხეობის სხვა სოფლებმაც, სადაც განახლდება და მოეწყობა ფეხბურთის, კალათბურთისა და ფრენბურთის მოედნები. საერთო ჯამში, სპორტული მოედანი ექნება ახმეტის ყველა სოფელს.

    სოფელ ომალოში თავდაცვის სამინისტროსგან შენობა გადაეცა მუნიციპალიტეტს, სადაც უახლოეს პერიოდში დაგეგმილია ძიუდოს დარბაზის მოწყობა. რემონტის შემდეგ დარბაზს კულტურისა და სპორტის სამინისტრო თანამედროვე სპორტულ ინვენტარს გადასცემს.

    პანკისის ხეობის სოფლებში მოქმედებს ძიუდოს, ჭიდაობის, კიკბოქსინგის ჯგუფები. ასევე, დამონტაჟებულია ქუჩის ღია სავარჯიშო მოწყობილობები.

    მატანის კალათბურთელ გოგონათა გუნდს მინისტრმა საქართველოს ვიცე-ჩემპიონობა მიულოცა 16-წლამდელთა შორის და მათ სრული საკალათბურთო ეკიპირება გადასცა.

    მინისტრმა ახმეტის საფეხბურთო ბაზაც დაათვალიერა, სადაც 250-ზე მეტი ბავშვი ვარჯიშობს რამდენიმე ასაკობრივ კატეგორიაში. ახმეტის საფეხბურთო ბაზასა და სოფელ საკობიანოს საფეხბურთო კლუბს სამინისტრომ და ფედერაციამ სრული ეკიპირება გადასცა.

    საქართველოს მთავრობის აქტიური მხარდაჭერით სპორტი ქვეყნის პრიორიტეტულ მიმართულებად გამოცხადდა და დაიგეგმა კონკრეტული ნაბიჯები, რაც გულისხმობს დაჩქარებულ ტემპში „სპორტის ხელმისაწვდომობისა და მასობრივი სპორტის განვითარების სტრატეგიის“ და სამოქმედო გეგმის განხორციელებას.

    კულტურისა და სპორტის სამინისტროსა და პარლამენტის სპორტისა და ახალგაზრდულ საქმეთა კომიტეტის ორგანიზებით უკვე დაიწყო საჯარო კონსულტაციები რეგიონებში „მასობრივი სპორტის ხელმისაწვდომობისა და განვითარების სტრატეგიისა“ და „ფიზიკური აღზრდისა და სპორტის შესახებ საქართველოს კანონის შემუშავებასთნ დაკავშირებით. პირველი საჯარო შეხვედრები სწორედ კახეთის რეგიონში, თელავში, მაისიდან დაიწყო და მთელი საქართველოს მასშტაბით გრძელდება.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    პანკისში უხუცესებისა და ახალგაზრდების ახალი საბჭო შეიქმნა

    პანკისის ხეობაში უხუცესებისა და ახალგაზრდების ახალი საბჭო შეიქმნა, რომელსაც 78…

    დისკუსია პანკისში თემაზე - ანტიდასავლური პროპაგანდა და რუსული გავლენა

    პანკისის სათემო რადიო WAY აღმოსავლეთ-დასავლეთის მართვის ინსტიტუტის მხარდაჭერით, 3 სექტემბერს,…

    სიცოცხლის ბოლო წუთამდე ვიმღერებთ - რაისა და ტაისა, მომღერალი დები პანკისიდან

    „მუსიკა ერთ-ერთი საჩუქარია, რომელიც ღმერთმა ადამიანს აჩუქა. ჩემი სიცოცხლე მუსიკაზეა…
  • პოპულარული

  • მხარდამჭერები

     

    სათემო რადიოს მიერ გავრცელებული და ვებგვერდზე გამოქვეყნებული მასალების შინაარსი არ გამოხატავს დონორების პოზიციას. მასზე პასუხისმგებელია პანკისის სათემო რადიო WAY.

     

    კონტაქტი

    საქართველო, ახმეტა, პანკისი, დუისი.

    0 353 22 22 11

    [email protected]