პანკისის ხეობაში, სოფლების დუისის და ჯოყოლოს გზაზე ოთხ კილომეტრიანი მონაკვეთის სამშენებლო-სარეაბილიტაციო სამუშაოები დაიწყო.

პანკისის ხეობაში მუშაობა დაიწყო წითელი ჯვრის საერთაშორისო კომიტეტის "მხარდაჭერის პროგრამამ", რომელიც უგზო-უკვლოდ დაკარგული პირების ოჯახებისა და ნაღმზე აფეთქებისას დაზარალებული პირებისა და მათი ოჯახებისათვის დახმარების გაწევას ითვალისწინებს.

მანანა მარგოშვილი 39 წლის არის. პანკისის ხეობის სოფელ ჯოყოლოში ცხოვრობს. სკოლის დამთავრების შემდეგ, 1994 წელს, პანკისიდან გროზნოში წავიდა უმაღლესი განათლების მისაღებად, მაგრამ ჩეჩნეთში ომი დაიწყო და სწავლის დასრულება ვეღარ შეძლო. პანკისში დაბრუნდა, დაოჯახდა, ახლა მას სამი შვილი და ერთი შვილიშვილი ჰყავს. არსად უმუშავია. ოთხი თვის წინ, მანანამ შეიტყო, რომ „სამოქალაქო აქტივობების ცენტრი“, პრეზიდენტის ადმინისტრაციის მხარდაჭერით პანკისში სასწავლო ცენტრს ხსნიდა. მანანამ ერთდროულად ორ მიმართულებაზე ისწავლა. სწავლის დამთავრებისთანავე მოხალისედ ჩაეწერა, ორ თვეში კი მუშაობა დაიწყო.

13 სექტემბრიდან პანკისის სათემო რადიო WAY წინასაარჩევნო დებატებს იწყებს, რომელშიც მონაწილეობა ახმეტა – თელავის საარჩევნო ოლქში წარდგენილ მაჟორიტარობის კანდიდატებს შეუძლიათ. გადაცემა პირდაპირ ეთერში მთავარი საინფორმაციო გამოშვების შემდეგ, 18:10 საათზე გავა.

სამედიცინო დაწესებულებათა რეაბილიტაციისა და აღჭურვის სახელმწიფო პროგრამის ფარგლებში, ახმეტის რაიონის სოფელ დუისში გადაუდებელი სამედიცინო დახმარების ცენტრი შენდება. პროექტის მიხედვით, სამშენებლო სამუშაოები 2017 წლის იანვრის ბოლომდე უნდა დასრულდეს.

პანკისის ხეობაში სათემო რადიომ დაიწყო მაუწყებლობა სიხშირეზე FM 101.1. რადიო WAY–ის სიგნალი პანკისის ხეობის თორმეტივე სოფელში, ბაწარას და ხადორის ხეობის ტერიტორიაზეც ვრცელდება. რადიოს მოსმენა პირველად გახდა შესაძლებელი თუშეთის სოფელ ტბათანასკენ დაბინავებული მწყემსებისთვის და ასობით ტურისტისთვის, რომელიც პანკისიდან თუშეთსა და ხევსურეთში გადადის.

რადიოში ამჯერად მხოლოდ მუსიკა ისმის, თუმცა სექტემბრიდან ეთერში საინფორმაციო და საავტორო გადაცემებიც გავა.

სს „კახეთის ენერგოდისტრიბუციის“ ინფორმაციით, 27 აგვისტოს, 09:00-დან 14:00 საათამდე პანკისის ხეობის სოფლებს ელექტროენერგიის მიწოდება შეუწყდება.

სირიაში, საბრძოლო მოქმედებების დროს, საქართველოს კიდევ ერთი მოქალაქე, პანკისის ხეობის სოფელ ჯოყოლოს მკვიდრი 21 წლის სულთან გუმაშვილი დაიღუპა. სულთან გუმაშვილი პანკისის უხუცესთა კავშირის ყოფილი თავმჯდომარის, ქისტი პოეტის სულეიმან გუმაშვილის შვილიშვილია. სირიაში, „ისლამური სახელმწიფოს“ რიგებშია სულთან გუმაშვილის მამა ადამ გუმაშვილიც, რომელიც ტერორისტული ორგანიზაციის ერთ–ერთი ხელმძღვანელი პირია.

საოჯახო სასტუმროები, ქისტური სამზარეულო, სწრაფი კვება, ჩაის სახლი, ველოტურები, თექის სახელოსნო, თხის ყველის წარმოება, ავტოსერვისი, სარემონტო კომპანია – „მიკრო და მცირე მეწარმეობის ხელშეწყობის“ სახელმწიფო პროგრამის მეორე რაუნდის ფარგლებში პანკისის ხეობაში 22 ბიზნესიდეა დაფინანსდა. აქედან 18 პროექტი არასამთავრობო ორგანიზაცია სამოქალაქო აქტივობების ცენტრის დახმარებით არის მომზადებული.

ვინ შეატყობინა ოჯახის წევრებს ე.წ. „ისლამური სახელმწიფოს“ ერთ–ერთი ლიდერის თარხან ბათირაშვილის გარდაცვალების შესახებ? რამ შეუწყო ხელი პანკისიდან სირიაში თარხან ბათირაშვილის წასვლას და რა ინფორმაცია აქვს თემურ ბათირაშვილს მის შვილთან ერთად გარდაცვლილი სხვა პანკისელების შესახებ, – პანკისის სათემო რადიო WAY-ის რეპორტიორი შორენა ხანგოშვილი თარხან ბათირაშვილის მამას თემურ ბათირაშვილს ესაუბრა.