პანკისის ხეობის სოფელ დუისში, ცენტრალურ საავტომობილო გზაზე, პოლიციის განყოფილებიდან 15 მეტრში, რამდენიმე ახალგაზრდა თავს დაესხა მსახიობს, რომელსაც შორტები ეცვა. ინციდენტი მას შემდეგ მოხდა, რაც თანამდებობის პირებმა და ჟურნალისტებმა, რომლებიც დღეს, დუისში, იურიდიული დახმარების სამსახურის საკონსულტაციო ცენტრის გახსნას ესწრებოდნენ, ხეობა დატოვეს.

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი, რეგიონული განვითარებისა და ინფრასტრუქტურის მინისტრი მაია ცქიტიშვილი პანკისის ხეობაზე საუბრისას მუდმივად ხაზს უსვამენ პანკისის განვითარების გეგმას. რას მოიცავს აღნიშნული გეგმა და რა სტრატეგიული ღირებულება აქვს დოკუმენტს, რომელიც ისე მომზადდა, რომ მასში პანკისის ხეობის მოსახლეობა, რამდენიმე ადამიანის გარდა, ჩართული არ ყოფილა.

რა პრობლემებია პანკისში სამოქალაქო ინტეგრაციის კუთხით? გაზრდილია თუ არა გაუცხოება პანკისის მცხოვრებლების მხრიდან და პირიქით, პანკისის მიმართ? რა უწყობს ხელს გაუცხოებას? რა შესაძლებლობები გვაქვს ამ პრობლემების გადასაწყვეტად და უფრო ეფექტიანად როგორ შეიძლება დაიხარჯოს საბიუჯეტო რესურსები? რა გავლენა იქონია მთის კანონმა პანკისის ხეობაზე, რომელსაც მთავრობამ მაღალმთიანი დასახლების სტატუსი მიანიჭა? რა როლი აქვს პანკისის ხეობაში პრობლემების გადაწყვეტის და სამოქალაქო ინტეგრაციის ხელშეწყობის პროცესში ადგილობრივ თვითმმართველობას და რას ურჩევენ მუნიციპალიტეტის მერიას და საკრებულოს?

ხალაწნის თემიდან ახმეტის მუნიციპალიტეტის საკრებულოს მაჟორიტარ დეპუტატად „ქართული ოცნების“ კანდიდატი როსტომ ალხანაშვილი აირჩიეს. ცენტრალური საარჩევნო კომისიის ინფორმაციით, ალხანაშვილმა სოფელ ხალაწანსა და ომალოში გახსნილ საარჩევნო უბნებზე ხმების 96.49% აიღო, რაც 577 ხმაა.

დღეს ახმეტის მუნიციპალიტეტის საკრებულოს შუალეური არჩევნები იმართება. კენჭისყრა პანკისის ხეობაში მიმდინარეობს, სადაც ხალაწნის თემის (ზემო ხალაწანი, დუმასტური, ქვემო ხალაწანი, შუა ხალაწანი, ომალო) მაჟორიტარი დეპუტატი უნდა აირჩიონ.

დღეიდან მუსლიმური სამყაროსთვის წმინდა თვე - რამადანი დაიწყო. რამადანის განმავლობაში ყველა მორწმუნე მუსლიმი მარხულობს, რაც ისლამის ხუთიდან ერთ-ერთ საფუძველს წარმოადგენს.

შერიგებისა და თანასწორობის საკითხებში სახელმწიფო მინისტრი ქეთევან ციხელაშვილი დღეს პანკისის ხეობაში მოსახლეობასთან შეხვედრებს გამართავს. პანკისის სათემო რადიოს ინფორმაციით, 14:00 საათზე, სოფელ ჯოყოლოში მინისტრი ახალგაზრდებს შეხვდება. დაგეგმილია შეხვედრები უხუცესთა კავშირისა და ქალთა საბჭოს წარმომადგენლებთანაც.

21 აპრილს, პანკისის ხეობაში სამართალდამცავებსა და ადგილობრივ მცხოვრებლებს შორის მომხდარი დაპირისპირების შედეგად, შსს-ს მონაცემებით, 55 ადამიანი დაშავდა - 38 პოლიციელი და 17 მოქალაქე. პანკისის სათემო რადიო, რომელიც დაპირისპირებას მთელი დღის განმავლობაში პირდაპირ ეთერში აშუქებდა, გიამბობთ, რამ გამოიწვია შეტაკებები, რატომ იმატებდა დაძაბულობა და როგორ ვითარდებოდა მოვლენები.

პანკისელი ახალგაზრდები თბილისში, საქართველოს კათოლიკოს-პატრიარქს ილია მეორეს და შერიგებისა და სამოქალაქო თანასწორობის საკითხებში სახელმწიფო მინისტრს, ქეთევან ციხელაშვილს შეხვდნენ. პატრიარქთან შეხვედრა საპატრიარქოში გაიმართა, მინისტრთან კი მთავარობის კანცელარიაში.

„პანკისის ცუდი იმიჯი რომ დამსხვრეულიყო, თვითონ პანკისელებმა, სხვადასხვა ორგანიზაციებმა წლების განმავლობაში დიდი შრომა გაწიეს. მაგრამ, ის, რაც 21 აპრილს მოხდა, ტურისტული სეზონის დასაწყისში, რასაკვირველია ძალიან საზიანოა ხეობაში ტურიზმის განვითარებისთვის. ყველაფერი თავიდან გახდა დასაწყები“, - აცხადებს საქართველოს ეკოტურიზმის ასოციაციის მრჩეველი ნატალია ბახტაძე პანკისის სათემო რადიოსთან ინტერვიუში.