ქისტი უხუცესი და მწერალი ხასო ხანგოშვილი თანაწამყვანთან, ისტორიკოს ზაურ გუმაშვილთან ერთად საუბრობს ქართულ-ქისტურ ურთიერთობებზე. როგორ ჩამოსახლდნენ ქისტები საქართველოში, რომელი კუთხეების ხალხთან ჰქონდათ პირველი ურთიერთობები?

როგორ და რატომ მოხვდნენ ქისტები საქართველოში? როგორ დაფუძნდა ახმეტის რაიონში სოფელი ქისტნელი (დღევანდელი ხორბალო); თუშეთისა და ხევსურეთის რომელი სოფლები ატარებს ქისტურ სახელებს?

გადაცემის წამყვანი, ქისტი უხუცესი და მწერალი ხასო ხანგოშვილი თანაწამყვანთან, ისტორიკოს ზაურ გუმაშვილთან ერთად საუბრობს ქისტების მიგრაციაზე საქართველოში მე-18 საუკუნიდან.

რა პრობლემებია პანკისში სამოქალაქო ინტეგრაციის კუთხით? გაზრდილია თუ არა გაუცხოება პანკისის მცხოვრებლების მხრიდან და პირიქით, პანკისის მიმართ? რა უწყობს ხელს გაუცხოებას? რა შესაძლებლობები გვაქვს ამ პრობლემების გადასაწყვეტად და უფრო ეფექტიანად როგორ შეიძლება დაიხარჯოს საბიუჯეტო რესურსები? რა გავლენა იქონია მთის კანონმა პანკისის ხეობაზე, რომელსაც მთავრობამ მაღალმთიანი დასახლების სტატუსი მიანიჭა? რა როლი აქვს პანკისის ხეობაში პრობლემების გადაწყვეტის და სამოქალაქო ინტეგრაციის ხელშეწყობის პროცესში ადგილობრივ თვითმმართველობას და რას ურჩევენ მუნიციპალიტეტის მერიას და საკრებულოს?

ქვემო და ზემო ხალაწნების დამაკავშირებელი 3.5 კილომეტრიანი გზის სრული რეაბილიტაცია, რაზედაც 1 მილიონ ლარზე მეტი დაიხარჯება; 220 ათასი ლარი ომალოს მრავალფუნქციური კულტურის სახლის რეაბილიტაციისთვის; ცხენოსნობის განვითარების მიზნით მცირე ზომის იპოდრომის მოწყობა; საბავშვო ბაღებისა და სკოლების რეაბილიტაცია - გადაცემაში ვსაუბრობთ 2019-2020 წლებში ხეობაში განსახორციელებელ პროექტებზე.

რა გავლენა იქონია პანკისში ტურიზმის განვითარებაზე, ხეობაში, 2019 წლის 21 აპრილს, ადგილობრივებსა და სამართალდამცავებს შორის მომხდარმა დაპირისპირებამ? რატომ გააუქმეს ტურისტებმა ჯავშანი პანკისის საოჯახო სასტუმროებში? რატომ შეატოვა სახელმწიფომ შეტაკების შემდეგ ჩავარდნის საფრთხის წინაშე მყოფი ტურისტული სეზონი საოჯახო სასტუმროების მეპატრონეებს? რა მხარდაჭერა სჭირდებათ ადგილობრივებს, რომლებიც ტურისტულ ბიზნესში ერთი ან ორი წლის წინ ჩაერთვნენ და განვითარებისთვის ბანკიდან სესხიც აქვთ აღებული? რა როლი აქვს მედიას პანკისში სიტუაციის შესაცვლელად? რას ფიქრობენ პანკისელი მეწარმეები ხეობაში სტუმრებისთვის ჩაცმულობასთან დაკავშირებით შექმნილ პრობლემებზე ადათ-წესებზე მითითებით?

გადაცემაში, პანკისში, 21 აპრილს, სამართალდამცავებსა და ადგილობრივ მცხოვრებლებს შორის მომხდარ შეტაკებაზე ვსაუბრობთ. შინაგან საქმეთა სამინისტროს მონაცემებით, 55 ადამიანი დაშავდა - 38 პოლიციელი და 17 მოქალაქე. სინამდვილეში, ბევრად მეტი ადგილობრივი დაშავდა. ჭრილობებს ისინი სახლის პირობებში იშუშებდნენ და სამედიცინო დაწესებულებებისთვის არ მიუმართავთ.