• weather cur horoscope

    ჩემი უფლებები – როგორ იცავს კანონმდებლობა ადამიანის სიცოცხლეს

    სამშაბათი, 24 ოქტომბერი 2017 18:40 view 3313
    ჩემი უფლებები – როგორ იცავს კანონმდებლობა ადამიანის სიცოცხლეს

    24 ოქტომბრის ჩანაწერი (2017 წელი) ადამიანის სიცოცხლის დაცვა ნებისმიერი სახელმწიფოს უპირველესი მოვალეობაა. საქართველოს კონსტიტუციის მე-15 მუხლის მიხედვით, „სიცოცხლე ადამიანის ხელშეუვალი უფლებაა და მას იცავს კანონი“. სიცოცხლის უფლება უმნიშვნელოვანესია იმ თვალსაზრისითაც, რომ სწორედ იგი განაპირობებს სხვა უფლებებით სარგებლობას.

    ადამიანის უფლებათა ევროპული კონვენციის მე-2 მუხლი ამბობს, რომ ყოველი ადამიანის სიცოცხლის უფლება კანონით არის დაცული, არავის შეიძლება წაერთვას სიცოცხლე განზრახ. 

    თანამედროვე მსოფლიოში ვერ ნახავთ ვერცერთ სახელმწიფოს, სადაც ერთი პიროვნების მიერ მეორის მკვლელობა დანაშაულად არ ითვლებოდეს და არ წარმოადგენდეს დასჯად ქმედებას, თუმცა არც თუ იშვიათად, სახელმწიფო თვითონ ხდება ადამიანის სიცოცხლის მოსპობის მიზეზი. აღნიშნულიდან გამომდინარე, სიცოცხლე, როგორც აბსოლუტური ღირებულება, შეგვიძლია ეჭვქვეშ დავაყენოთ. ბუნებრივია, ჩნდება კითხვა, თუ როდის დგას კანონი ადამიანის სიცოცხლეზე მაღლა, როდის შეუძლია სახელმწიფოს მისცეს თავს მკვლელობის ჩადენის უფლება? 

    გადაცემაში ასევე მოისმენთ, რა შემთხვევაში არ მიიჩნევა სახელმწიფოს მიერ ადამიანისთვის სიცოცხლის წართმევა სიცოცხლის უფლების ხელყოფად? რა არის აბორტი? მკვლელობა ჩადენილი ჯერ არდაბადებული ადამიანის მიმართ, თუ სამედიცინო ღონისძიება? რა არის ევთანაზია და როგორ არეგულირებს მას ქართული კანონმდებლობა? 

    გადაცემას უძღვება გელა შაშიაშვილი – იურისტი, სამოქალაქო აქტივობების ცენტრის ადამიანის უფლებების დაცვის მიმართულების ხელმძღვანელი.

    სიახლეები

    იმამის მოწოდება ნარკოტიკებზე - ყველა წინ უნდა აღუდგეს ამ სენს

    „ეს მართლაც მტკივნეული პრობლემაა პანკისის ხეობაში. ვგულისხმობ ახალგაზრდობის ბევრი ნაწილის…

    მრავალფუნქციური სპორტული ცენტრი ჯოყოლოში და საზოგადოებრივი ტრანსპორტი ხეობაში

    სოფელ ჯოყოლოში მრავალფუნქციური სპორტული ცენტრის მშენებლობა და პანკისის ხეობის სოფლებიდან…

    სისხლის აღება და პატიება ქისტური სამართლის მიხედვით

    ქისტური სამართლის მიხედვით ადამიანის მკვლელობა მძიმე დანაშაულია. „მეერის“, შურისძიების ობიექტის…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]