• weather cur horoscope

    პანკისში ეთერ თათარაიძის პოეზიის საღამო გაიმართება

    ხუთშაბათი, 16 მარტი 2017 12:20 view 2300
    პანკისში ეთერ თათარაიძის პოეზიის საღამო გაიმართება ფოტო: გივი ტუხაშვილი

    17 მარტს, დუისის საზოგადოებრივ ცენტრში, პოეტისა და ფოლკლორისტის, ეთერ თათარაიძის 60 წლის იუბილისადმი მიძღვნილი პოეზიის საღამო გაიმართება. ღონისძიებაში მონაწილეობას მისი და, მომღერალი ლელა თათარაიძე და ადგილობრივი მოცეკვავეები მიიღებენ. ღონისძიება 14:00 საათზე დაიწყება.

    „კავკასია და კავკასიური დიდი სახლი ჩემთვის ყველაზე მნიშვნელოვანია. დიდი ხალხი მელოდება ხვალ პანკისის ხეობაში. ძალიან ბედნიერი ვარ იმიტომ, რომ დიდი ხნის განმავლობაში ეს პირველი შემთხვევაა, როდესაც ახმეტის რაიონში ჩემი შემოქმედებით დაინტერესდნენ“, - უთხრა პანისის სათემო რადიოს ეთერ თათარაიძემ.

    პოეზიის საღამოს ორგანიზატორები საქართველოში ჩეჩნური დიასპორის წარმომადგენელი მექა ხანგოშვილი და არასამთავრობო ორგანიზაცია „კახეთის რეგიონალური განვითარების ფონდი“ არიან. ფონდის ხელმძღვანელის იზა ბექაურის თქმით, ღონისძიება საქართველოს პრეზიდენტის ადმინისტრაციის მიერ მხარდაჭერილი პროექტის ფარგლებში ჩატარდება.

    „პროექტი პანკისის ხეობაში ცნობილი ადამიანების მოწვევას ითვალისწინებს. ქალებთან შეხვედრის მერე გამოიკვეთა, რომ მოგვეწვია ისეთი ცნობილი ადამიანი, რომელიც იქნებოდა ჩვენი რაიონიდან, ან თუში, ან ქისტი და შეხვედრაზე კულტურათაშორის ურთიერთობაზეც იქნებოდა საუბარი“, - აღნიშნა იზა ბექაურმა.

    ეთერ თათარაიძე ახმეტის რაიონის სოფელ ზემო ალვანში 1956 წლის 15 მარტს დაიბადა. მისი პოეზია თუშურ დიალექტზეა შექმნილი. ეთერ თათარაიძე 18 წიგნისა და კრებულის ავტორი და თანაავტორია. მათ შორისაა „შენდობით მომიხსენიეთ“, რომელმაც ლიტერატურული პრემია „საბა“ მიიღო, „აღათო“, „მამამა ღმერთს ჩამაჰყარა სახელი“, „მაესტრო და ხევსურეთი“, „ჩამომიარ საწუთრომ...“, „იმედის გვირილაო“, „დევიღუპეთ“, „ჩიტ რო იძახს, წიავ“ და სხვა.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ახალი დეტალები პანკისში მომხდარი მკვლელობის საქმეზე

    პანკისის ხეობის სოფელ საკობიანოში მომხდარი შეიარაღებული დაპირისპირებისას 37 წლის ვისო…

    პანკისში მკვლელობის ფაქტზე არბი ქავთარაშვილი და რამაზ ხანგოშვილი დააკავეს

    კახეთის პოლიციის დეპარტამენტის თანამშრომლებმა პანკისის ხეობის სოფელ საკობიანოში მომხდარი შეიარაღებული…

    რა მოხდა მკვლელობის დღეს და მანამდე - სისხლიანი კონფლიქტი პანკისში

    მეხუთე დღეა, მუთოშვილების ოჯახში, ადრე დილიდან გვიან ღამემდე ხალხის ნაკადი…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]