• weather cur horoscope

    მორის მაჩალიკაშვილი დამნაშავედ ცნეს და პატიმრობიდან გაათავისუფლეს

    ხუთშაბათი, 06 თებერვალი 2020 21:15 view 2057
    მორის მაჩალიკაშვილი დამნაშავედ ცნეს და პატიმრობიდან გაათავისუფლეს

    თბილისის საქალაქო სასამართლომ მალხაზ მაჩალიკაშვილის ძმისშვილი მორის მაჩალიკაშვილი პატიმრობიდან გაათავისუფლა. პროკურატურამ მორის მაჩალიკაშვილთან საპროცესო შეთანხმება გააფორმა, რომელიც სასამართლომ დღეს დაამტკიცა.

    მორის მაჩალიკაშვილი დამნაშავედ იქნა ცნობილი და მას სასჯელად განესაზღვრა თავისუფლების აღკვეთა 2 წლით, რაც ჩაეთვალა პირობით, ორწლიან გამოსაცდელ ვადად.

    „პარლამენტში შეჭრა არ მინდოდა, ამას არ ვაპირებდი. ბიძაჩემს ვიცავდი. არ ვიცოდი, არ ველოდი გათავისუფლებას. სახლში მივდივარ... დასვენებას ვაპირებ“, - განაცხადა მორის მაჩალიკაშვილმა გათავისუფლების შემდეგ.

    მორის მაჩალიკაშვილი 2019 წლის 26 ივლისს დააკავეს და 6 თვეზე მეტი ხნის განმავლობაში წინასწარ პატიმრობაში იმყოფებოდა. მას ბრალი ედებოდა სისხლის სამართლის კოდექსის 225-ე მუხლის პირველი და მეორე ნაწილებით გათვალისწინებული დანაშაულების ჩადენაში, რაც გულისხმობს ჯგუფური ძალადობის ორგანიზებას და მასში მონაწილეობას.

    მორის მაჩალიკაშვილი 2017 წლის 26 დეკემბერს პანკისის ხეობაში ჩატარებული სპეცოპერაციის დროს სასიკვდილოდ დაჭრილი თემირლან მაჩალიკაშვილის ბიძაშვილია. ის ბიძასთან, მალხაზ მაჩალიკაშვილთან ერთად თითქმის ერთი წლის განმავლობაში პარლამენტის შენობის წინ, კარავში იმყოფებოდა. მაჩალიკაშვილები თემირლან მაჩალიკაშვილის საქმის გამოძიების მიზნით, დროებითი საპარლამენტო კომისიის შექმნას და დამნაშავე პირების დასჯას ითხოვდნენ.

    რამდენიმე დღის წინ, თბილისის პროკურატურამ თემირლან მაჩალიკაშვილის გარდაცვალების საქმეზე გამოძიება შეწყვიტა. გამოძიება თემირლან მაჩალიკაშვილის მიმართ ძალადობით სამსახურებრივი უფლებამოსილების შესაძლო გადამეტების ფაქტზე მიმდინარეობდა, სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით. პროკურატურის განცხადებით, ჩატარებული გამოძიებით დადგინდა, თემირლან მაჩალიკაშვილი არ დაემორჩილა სპეცრაზმელის მოთხოვნას ეჩვენებინა მისთვის ხელები, სცადა საბრძოლო მდგომარეობაში მოეყვანა ხელყუმბარა, რის გამოც მისი მიმართულებით სპეცრაზმელმა განახორციელა გასროლა. გამოძიების დასკვნით, სპეციალური ოპერაციების სამმართველოს თანამშრომელი იმყოფებოდა აუცილებელი მოგერიების მდგომარეობაში, საფრთხე იყო რეალური, იმწუთიერი და მისი ქმედების მიზანს მხოლოდ ამ საფრთხიდან საკუთარი თავის და გარშემომყოფთა სიცოცხლის და ჯანმრთელობის დაცვა წარმოადგენდა.

    თემირლან მაჩალიკაშვილის საქმე ოჯახს ადამიანის უფლებათა ევროპულ სასამართლოში აქვს გასაჩივრებული.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ახმეტის მერიამ პანკისის სათემო რადიოს ოფისის გაყიდვა არჩევნებამდე შეაჩერა

    ახმეტის მუნიციპალიტეტის მერიამ დღეს, 7 ოქტომბერს გამართულ საკრებულოს სხდომაზე უკან…

    ხელისუფლება პანკისის სათემო რადიოს ოფისის გარეშე ტოვებს

    პანკისის ხეობაში, სათემო რადიოს წინააღმდეგ ორგანიზებული აქციების შემდეგ, იმ მიზნით,…

    Voices from the Pankisi Gorge - A Region Under Control by the State Security Service

    „There are only two or three of us young activists…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]