• weather cur horoscope

    იაპონიის საელჩომ თუშეთის ამბულატორიის რეაბილიტაცია და აღჭურვა 80 000 დოლარით დააფინანსა

    ხუთშაბათი, 11 თებერვალი 2021 10:27 view 712
    იაპონიის საელჩომ თუშეთის ამბულატორიის რეაბილიტაცია და აღჭურვა 80 000 დოლარით დააფინანსა

    იაპონიის საელჩოს დახმარებით თუშეთში, სოფელ ომალოში მდებარე ამბულატორიას სული რეაბილიტაცია ჩაუტარდება და აღიჭურვება. „თუშეთის განვითარების ფონდის“ დირექტორის, ზურაბ ბაბულაიძის განცხადებით, პროექტი 80 000 აშშ დოლარით საელჩომ დააფინანსა, 10 000 დოლარი კი ახმეტის მუნიციპალიტეტის მერიისგან მიღებული დახმარებაა.

    ამბულატორიისთვის შეიძენენ რენტგენს, მოაწყობენ საოპერაციო ოთახს და ასევე, იყიდიან მაღალი სიმძლავრის გენერატორს.

    „ვაყენებთ 3 კვტ სიმძლავრის მზის მიკროელექტროსადგურს, საკანალიზაციო სისტემას, გათბობის სისტემას – ინფრასტრუქტურას, რაც სჭირდება ამბულატორიას.

    თუშეთში საავადმყოფო-ამბულატორია 1986 წელს გაიხსნა და 30 საწოლზე იყო გათვლილი, თავის სამშობიაროთი და ქირურგიული ბლოკით. ის შენობა დაინგრა და შემდეგ დარჩა ამბულატორია, რომელიც ბოლოს 13-14 წლის წინ გარემონტდა. ახლა იქ მხოლოდ 2 ოთახია, სადაც ინახავენ წამლებს და პაციენტებს აწვენენ“, – ამბობს ზურაბ ბაბულაიძე.

    თუშეთის ამბულატორიის ექიმს, 80 წლის ირაკლი ხვედაგურიძეს ამბულატორიის განახლებულ შენობაში დარჩენა და პაციენტებისთვის დახმარების ადგილზე აღმოჩენა შეეძლება.

    „ამბულატორია არ არის სამედიცინო ინვენტარით აღჭურვილი. მოტეხილობის ან სხვადასხვა დაზიანებების დროს, გვიწევს კატასტროფის ცენტრის გამოძახება და დაშავებულის ვერტმფრენით გადაყვანა თბილისის ან თელავის საავადმყოფოებში. მოტეხილობები ხშირია მთა-თუშეთში.

    დაახლოებით 50 სანტიმეტრამდე რომ არის თოვლი, ნაჩუქარი ცხენით დავდივარ. უფრო დიდ თოვლში ცხენს გადაადგილება უჭირს და ფეხით დავდივარ სოფლიდან სოფლამდე. გავიგე, რომ უნდა აღადგინონ და გაარემონტონ ძველი ამბულატორია. ბოლო წლებში აღარ მჯერა. ხშირად რაღაცებს გვპირდებიან. მოხუცებს გვიხარია, მაგრამ დაპირება დაპირებად რჩება“, – ამბობს ირაკლი ხვედაგურიძე, რომელიც ამბულატორიაში 2010 წლიდან მუშაობს.

    თუშეთის განვითარების ფონდი ამბულატორიის რეაბილიტაციისა და აღჭურვის დასრულებას 2021 წლის ოქტომბრის ბოლოსთვის გეგმავს. სარემონტო სამუშაოებზე ათი ადამიანის დასაქმება იგეგმება.

     

    ამ თემაზე:

    თუშეთის ექიმი: „პაციენტს ნაკერს და თაბაშირს სანთლის შუქზე ვადებ“

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    პანკისის ხეობის სოფლებში სიჩქარის კონტროლის კამერები ამოქმედდა

    შინაგან საქმეთა სამინისტროს ინფორმაციით, 1 მარტიდან, საგზაო მოძრაობის უსაფრთხოების განმტკიცების…

    პანდემიის ზარალის აღმოფხვრისას აუცილებელია ბავშვთა უფლებების გათვალისწინება – იუნისეფი

    გაეროს ბავშვთა ფონდმა (UNICEF) კორონავირუსის კრიზისს ბავშვის უფლებათა კრიზისი უწოდა.…

    პანკისის უხუცესთა საბჭოს ყოფილი თავმჯდომარე სულეიმან გუმაშვილი გარდაიცვალა

    76 წლის ასაკში ქისტი პოეტი და პანკისის უხუცესთა საბჭოს ყოფილი თავმჯდომარე…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]