• weather cur horoscope

    გარდაიცვალა მათე ციხესაშვილი, ჯოხარ დუდაევისა და ზვიად გამსახურდიას თანამებრძოლი

    შაბათი, 07 აგვისტო 2021 21:05 view 4963
    გარდაიცვალა მათე ციხესაშვილი, ჯოხარ დუდაევისა და ზვიად გამსახურდიას თანამებრძოლი

    61 წლის ასაკში ემიგრაციაში, კერძოდ, საფრანგეთში, გარდაიცვალა თბილისის სახელმწიფო უნივერსიტეტის კავკასიოლოგიის ლაბორატორიის დამაარსებელი, ზვიად გამსახურდიასა და ჯოხარ დუდაევის თანამებრძოლი, დამოუკიდებელი ჩეჩნეთის პირველი პარლამენტის დეპუტატი, მათე ციხესაშვილი.

    მათე ციხესაშვილი ახმეტის რაიონის სოფელ ომალოში დაიბადა. 1982 წელს დაამთავრა თელავის პედაგოგიური ინსტიტუტის პედაგოგიური ფაკულტეტი, 1988 წელს კი ასპირანტურა თბილისის სახელმწიფო უნივერსიტეტში. გამოქვეყნებული აქვს 22-ზე მეტი სამეცნიერო ნაშრომი. 1988-90 წლებში ლექციებს კითხულობდა თბილისის სახელმწიფო უნივერსიტეტსა და თელავის პედაგოგიურ ინსტიტუტში. მათე ციხესაშვილი 1991-97 წლებში იყო ჩეჩნეთის რესპუბლიკა იჩქერიის პარლამენტის დეპუტატი, 1997-98 წლებში კი - ჩეჩნეთის წარმომადგენელი შვეიცარიის კონფედერაციაში. 1998 წელს დაინიშნა იჩქერიის საერთაშორისო-სამთავრობო დეპარტამენტის თავმჯდომარედ.

    მათე ციხესაშვილი საფრანგეთში ცხოვრობდა, სადაც 2011 წლიდან პოლიტიკური თავშესაფარი ჰქონდა მიღებული. მან 2008 წელს საქართველოს მოქალაქეობის მიღება სცადა, თუმცა უარი ეთქვა.

    ის აქტიურად იყო ჩართული პანკისის ხეობაში „ხადორი 3“ და „სამყურწყალი 2“ ჰესების მშენებლობის წინააღმდეგ მიმდინარე პროტესტში. 2018 წელს მისი ჩართულობით დაფუძნდა პანკისის ხეობის სახალხო კრება“. 2019 წლის 23 ივნისს გავრცელდა ინფორმაცია, რომ მათე ციხესაშვილს ქუთაისის აეროპორტში ქართველმა მესაზღვრეებმა უარი უთხრეს ქვეყანაში შემოსვლაზე.

    პანკისის სათემო რადიო WAY მწუხარებას გამოთქვამს მათე ციხესაშვილის გარდაცვალების გამო.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    მოსახლეობას აცრისთვის ყველა პირობას ვუქმნით – ნელი ხიზანიშვილი

    აგვისტოში კახეთში კორონავირუსის 10 000-ზე მეტი შემთხვევა აღირიცხა. დაავადებათა კონტროლის…

    რა მტკიცებულებები აქვს სუსს პანკისში დაკავებული ახალგაზრდების წინააღმდეგ

    ტერორისტული ორგანიზაციის წევრობის ბრალდებით, პანკისის ხეობაში, გუშინ, სპეცოპერაციის შედეგად დაკავებული…

    აცრა ჩემი და ჩემი კოლეგების უსაფრთხოებისთვის გადავწყვიტე – ლილი სვიაკაური

    „მე, როგორც სკოლის ხელმძღვანელი, მაგალითის მიმცემი უნდა ვიყო თუნდაც ჩემი…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]