• weather cur horoscope

    პანკისში დუისის კულტურის სახლს ცეცხლი წაუკიდეს

    სამშაბათი, 03 იანვარი 2017 20:30
    პანკისში დუისის კულტურის სახლს ცეცხლი წაუკიდეს

    პანკისის ხეობის სოფელ დუისის კულტურის სახლს, სადაც არასამთავრობო ორგანიზაცია კახეთის რეგიონული განვითარების ფონდის საზოგადოებრივი ცენტრი ფუნქციონირებს, ცეცხლი წაუკიდეს. ფონდის დირექტორის იზა ბექაურის განცხადებით, შენობას ბენზინი მიასხეს და ცეცხლი განზრახ გააჩინეს.

    როგორც შემთხვევის ადგილიდან პანკისის სათემო რადიო WAY-ს კორესპონდენტი იტყობინება, ამ დროისთვის ხანძარი ლოკალიზებულია. მისივე ინფორმაციით, ბენზინი კულტურის სახლის შენობის მეორე სართულზე, რამდენიმე ადგილზე, მათ შორის კორიდორშია დაღვრილი. დამწვარია შესასვლელი კარი და იატაკის მცირე ნაწილი.

    ცეცხლი კულტურის სახლის დარაჯმა შენიშნა და შესაბამის სამსახურებს შეატყობინა. ადგილზე პოლიციის თანამშრომლები და მეხანძრეები მუშაობენ.

    იზა ბექაური კულტურის სახლში ცეცხლის გაჩენას მისი ორგანიზაციის აქტივობებს უკავშირებს.

    კახეთის რეგიონული განვითარების ფონდის ძალისხმევით, დუისის კულტურის სახლში სიმღერისა და ცეკვის წრეებიც ფუნქციონირებს, ამასთან ხშირად ტარდება კულტურული ღონისძიებებიც, რაზედაც პანკისის ხეობაში მცხოვრებთა ნაწილი პრეტენზიებს საჯაროდ გამოთქვამს. მათი თქმით, ისლამი ცეკვასა და სიმღერას კრძალავს.

    ხანძრის გაჩენის ზუსტი მიზეზი ჯერ ცნობილი არ არის. ფაქტზე ახმეტის პოლიციის დუისის ქვეგანყოფილებაში მოკვლევა მიმდინარეობს.

    ამ თემაზე: იზა ბექაური - ხანძრის გაჩენამდე იყო მუქარები, რომ თქვენი არასამთავრობო გაეთრიოს პანკისიდან

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    საკრებულომ პირობა დადო, რომ პანკისის მოსახლეობის პეტიციაზე სამუშაო ჯგუფს შექმნის

    ახმეტის მუნიციპალიტეტის საკრებულოს თავმჯდომარემ თამარ ყეინიშვილმა და საკრებულოს წევრებმა დღევანდელ…

    პანკისის სათემო ორგანიზაციის განცხადება

    1-ელ ივლისს, 13:00 საათზე, პანკისის სათემო ორგანიზაცია რადიო WAY-ის ოფისში…

    პანკისის მოსახლეობამ ტრანსპორტის დანიშვნის მოთხოვნით საკრებულოს პეტიციით მიმართა

    პანკისის ხეობის 15 სოფლის მოსახლეობამ, მუნიციპალური, იაფი ტრანსპორტის დანიშვნის მოთხოვნით,…
  • პოპულარული

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]