• weather cur horoscope

    ეთნიკური უმცირესობების წარმომადგენელი მოსწავლეებისთვის ესეების კონკურსი გამოცხადდა

    შაბათი, 15 აპრილი 2017 14:31 view 1975
    ეთნიკური უმცირესობების წარმომადგენელი მოსწავლეებისთვის ესეების კონკურსი გამოცხადდა

    შერიგებისა და სამოქალაქო თანასწორობის საკითხებში საქართველოს სახელმწიფო მინისტრის ინიციატივით, ეთნიკური უმცირესობების წარმომადგენელი მოსწავლეებისთვის ესეების კონკურსი გამოცხადდა. კონკურსში მონაწილეობა შეუძლიათ IX-XII კლასების მოსწავლეებს, რომლებიც წარადგენენ ესეს თემაზე - „ქართული ენა - გზა ჩემი წარმატებისაკენ“.

    კონკურსი 13 აპრილს დაიწყო და 20 მაისს დასრულდება. მისი მიზანია ქართული ენის ცოდნის მნიშვნელობის შესახებ ეთნიკური უმცირესობების წარმომადგენელი მოსწავლეების ცნობიერების ამაღლება.

    სპეციალურად შექმნილი საკონკურსო კომისია გამოავლენს 4 გამარჯვებულს. შეფასების კრიტერიუმებია: შინაარსის თემასთან შესაბამისობა; თხრობის, აზრის ლაკონურად გადმოცემის უნარი; ტექსტის გრამატიკულ-შინაარსობრივი გამართულობა.

    გამარჯვებულებს 26 მაისს - საქართველოს დამოუკიდებლობის დღისადმი მიძღვნილ ღონისძიებაზე სახელმწიფო მინისტრი ქეთევან ციხელაშვილი დიპლომებსა და პლანშეტებს გადასცემს.

    მინისტრის აპარატის ინფორმაციით, მოსწავლეთა ნამუშევრები მიიღება როგორც ელექტრონული, ასევე ნაბეჭდი და ხელნაწერი სახით. ესეს მოცულობა უნდა იყოს მინიმუმ 150 სიტყვა. ნამუშევრის ბოლოს მითითებული უნდა იყოს ავტორის სახელი, გვარი, კლასი, სკოლის დასახელება და საკონტაქტო ინფორმაცია.

    ელექტრონული ფორმით ესეს გაგზავნა შესაძლებელია შემდეგ მისამართზე: This email address is being protected from spambots. You need JavaScript enabled to view it.. ხელნაწერი ესე კი უნდა ჩაბარდეს შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატში, მისმართზე: თბილისი, გ. ლეონიძის 3/5; საკონტაქტო პირია: მანანა მჭედლიშვილი, ტელ: 577 999 773.

    ინიციატივას მხარს უჭერს საქართველოს გაეროს ასოციაცია.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    მორის მაჩალიკაშვილი დამნაშავედ ცნეს და პატიმრობიდან გაათავისუფლეს

    თბილისის საქალაქო სასამართლომ მალხაზ მაჩალიკაშვილის ძმისშვილი მორის მაჩალიკაშვილი პატიმრობიდან გაათავისუფლა.…

    შსს პანკისში 200 თანამშრომელზე გათვლილ პოლიციის ახალ შენობას აშენებს

    შინაგან საქმეთა სამინისტრო ახმეტის მუნიციპალიტეტში, პანკისის ხეობის სოფელ ძიბახევში, ზუსტად…

    ქარტიის საბჭოს დასკვნით, მაჩალიკაშვილებზე «იმედის» სიუჟეტი მანიპულაციურია

    საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია „იმედის“ სიუჟეტი, რომელიც…
  • პოპულარული

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]