4050
უბედური შემთხვევა მოხდა პანკისის ხეობაში. ხადორთან, დაახლოებით 40 მეტრი სიმაღლიდან 22 წლის დავით შეთეკაური ხევში გადავარდა. საგანგებო სიტუაციების მართვის სააგენტოს ინფორმაციით, დაშავებულს პირველადი სამედიცინო დახმარება ახმეტის საავადმყოფოში გაუწიეს, თუმცა მოგვიანებით მისი თბილისში გადაყვანა გახდა საჭირო.
ამ დროისთვის დაშავებული სასაზღვრო პოლიციის ვერტმფრენით ღუდუშაურის კლინიკაში გადაჰყავთ. არსებული ინფორმაციით, მის სიცოცხლეს საფრთხე არ ემუქრება.
როგორც ადგილობრივებმა პანკისის სათემო რადიოს უთხრეს, ახალგაზრდა რუსთავიდან არის და ხადორში სავარაუდოდ, სანადიროდ იმყოფებოდა.
შინაგან საქმეთა სამინისტროს ცნობით, მომხდართან დაკავშირებით გამოძიება არ დაწყებულა, რადგან დანაშაულის ნიშნები არ იკვეთება.
პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.
LIVE
