როგორც პანკისის სათემო რადიოს თელავის რეფერალური საავადმყოფოს დირექტორმა ხათუნა ჭონიაშვილმა უთხრა, ახალგაზრდა ქალი საავადმყოფოში უმძიმესი დაზიანებებით 9 მარტს მოათავსეს: „დაზიანებული ჰქონდა შინაგანი ორგანოები. სამი ოპერაცია ჩაუტარდა, რეანიმაციაში იყო მოთავსებული, მაგრამ სამწუხაროდ, მისი გადარჩენა ვერ მოხერხდა, გული გაუჩერდა“.

ოჯახის წევრების ინფორმაციით, 23 წლის ქალს იარაღიდან შემთხვევით გაუვარდა, როცა მეუღლე სახლში არ იმყოფებოდა. გარდაცვლილს 8 თვის ბავშვი დარჩა.

შინაგან საქმეთა სამინისტროს ცნობით, დაჭრის ფაქტთან დაკავშირებით გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.