რეგიონული განვითარებისა და ინფრასტრუქტურის სამინისტროს ინფორმაციით, პროექტის მიხედვით გზის ის მონაკვეთები, რომლის სავალი ნაწილის სიგანე 4,5 მეტრია, 6 მეტრამდე გაფართოვდება. გზის გასწვრივ ორივე მხარეს, ძირითადად დასახლებულ მონაკვეთზე რკინა-ბეტონის სანიაღვრე არხები მოეწყობა. ეზოების და ორგანიზაციების შესასვლელები და მიერთებების გარკვეული მონაკვეთები ასფალტ-ბეტონის საფარით დაიფარება. გზის მთლიან მონაკვეთზე, სადაც ეს შესაძლებელი იქნება, ფეხითმოსიარულეთათვის მოასფალტებული ბილიკი მოეწყობა.

ამ დროისთვის პანკისის სოფლებში ტროტუარები და საფეხმავლო ბილიკები არ არსებობს, რის გამოც ტრანსპორტის მოძრაობა ფერხდება და ფეხით მოსიარულეებს საფრთხე ექმნებათ. სარეაბილიტაციო სამუშაოებისთვის 1 507 770 ლარია გათვალიწინებული.