• პანკისში მურად ქავთარაშვილის სახლი დაცხრილეს

    ოთხშაბათი, 29 ივლისი 2020 03:15 view 4693
    ფოტო არქივიდან ფოტო არქივიდან

    ღამის 12 საათისთვის სროლა იყო პანკისის ხეობის სოფელ დუისში. პანკისის სათემო რადიო WAY-ის ინფორმაციით, ისროლეს მურად ქავთარაშვილის მისამართით, რომელიც თბილისიდან ახალი ჩამოსული იყო და სახლში შედიოდა. სროლის შედეგად არავინ დაშავებულა. სახლში მურად ქავთარაშვილის მშობლები იმყოფებოდნენ. სახლს რამდენიმე ტყვია აქვს მოხვედრილი.

    მომხდართან დაკავშირებით პოლიციაში გამოკითხვაზეა გადაყვანილი სამი პირი, მათ შორის ერთ-ერთი ასლან მუთოშვილია, რომელიც 2019 წლის 27 ნოემბერს, პანკისის ხეობის სოფელ დუისში მოკლული 37 წლის ვისო მუთოშვილის ძმაა. ვისო მუთოშვილის მკვლელობის ბრალდებით არბი ქავთარაშვილი და რამაზ ხანგოშვილი არიან დაკავებულები.

    სისხლის სამართლის საქმეს თელავის სასამართლო განიხილავს. დაზარალებული მხარის არცერთი წარმომადგენელი სასამართლო პროცესებს არ ესწრება. მუთოშვილების გვარი სისხლის აღებას ითხოვს.

    ქავთარაშვილებმა რამდენჯერმე სცადეს მუთოშვილებთან შერიგება, მაგრამ ყველა მცდელობა უშედეგოდ დასრულდა. სათემო რადიოს ინფორმაციით, პარასკევს, მარხვის დასრულების შემდეგ ქავთარაშვილები მუთოშვილებთან შესარიგებლად კვლავ გეგმავდნენ ხალხის გაგზავნას.

    მუთოშვილების წარმომადგენლები მურად ქავთარაშვილს ადანაშაულებდნენ პანკისში შეიარაღებული ჯგუფის ხელმძღვანელობაში. მათივე თქმით, სწორედ მურად ქავთარაშვილი და ამ ჯგუფის სხვა წევრები მონაწილეობდნენ გასული წლის ნოემბერში, საკობიანოსთან მომხდარ დაპირისპირებაში, რა დროსაც ვისო მუთოშვილი მოკლეს. პროკურატურას მურად ქავთარაშვილი სისხლის სამართლის პასუხისგებაში არ მიუცია.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]