• weather cur horoscope

    ახმეტის მერის მოადგილეებად ზაზა მიგრიაული და ვანო ნასყიდაშვილი დაინიშნენ

    ხუთშაბათი, 30 ნოემბერი 2017 00:53 view 2855
    ახმეტის მერის მოადგილეებად ზაზა მიგრიაული და ვანო ნასყიდაშვილი დაინიშნენ

    ახმეტის მუნიციპალიტეტის მერმა იოსებ ქარუმაშვილმა მოადგილეები დანიშნა. მერის პირველი მოადგილე ზაზა მიგრიაულია, მეორე მოადგილედ კი ვანო (ვაჟა) ნასყიდაშვილი დაინიშნა. ახმეტის მერის მესამე მოადგილის შტატი გაუქმდა.

    „ზაზა მიგრიაული პროფესიით ფინანსისტია და ბევრი წარმატება გვექნება ამ საკითხებში. რაც შეეხება, ვანო ნასყიდაშვილს, რომელიც გამგებლის ყოფილი მოადგილეა, ის ინფრასტრუქტურის საკითხებს გაუძღვება. მისი გამოცდილება და სამუშაო სტაჟი გვაძლევს იმის საშუალებას, რომ დავტოვოთ და შემდეგში ჩვენთან ერთად გააგრძელოს მუშაობა“, - განაცხადა ახმეტის მერმა პანკისის სათემო რადიოსთან საუბარში.

    ზაზა მიგრიაული 2017 წლის ადგილობრივი თვითმმართველობის არჩევნების შედეგად „ქართული ოცნების“ პარტიული სიით საკრებულოს წევრი გახდა. ვიცე-მერად დანიშვნის შემდეგ, მას საკრებულოს დეპუტატის უფლებამოსილება შეუწყდება. ზაზა მიგრიაული 2000-2007 წლებში გაზის ტრანსპორტირების კომპანიაში ფინანსური დირექტორი იყო. 2009-2015 წლებში „სოკარ ჯორჯია გაზში“ ბიუჯეტის დაგეგმვის მთავარ სპეციალისტად მუშაობდა. 2016 წლიდან კი ახმეტაში „სოკარ ჯორჯია გაზის“ დისტრიბუციის ანალიზის სამსახურის უფროსი იყო.

    რაც შეეხება ვანო ნასყიდაშვილს, 2002-2006 წლებში ის ქალაქ ახმეტის გამგებლის პირველ მოადგილედ მუშაობდა; 2006-2008 წლებში ახმეტის მუნიციპალიტეტის საკრებულოს წევრი და საფინანსო-ეკონომიკური კომისიის თავმჯდომარე იყო; 2008 წლიდან 2017 წლის ადგილობრივი თვითმმართველობის არჩევნებამდე ახმეტის მუნიციპალიტეტის გამგებლის პირველი მოადგილის თანამდებობას იკავდებდა.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ონლაინ სწავლების გამოწვევები – რა შეცვალა კოვიდ-19-მა ჯოყოლოს სკოლაში

    ახმეტის მუნიციპალიტეტის სოფელ ჯოყოლოს საჯარო სკოლაში, სადაც 146 მოსწავლე სწავლობს,…

    მთავრობა უმცირესობებით დასახლებულ რეგიონებს ხმების ყულაბად განიხილავს - ჭიაბერაშვილი

    რატომ არ ხვდება „ევროპული საქართველოდან“ თელავის, ახმეტის, ყვარლისა და ლაგოდეხის…

    ახმეტის მერიამ პანკისის სათემო რადიოს ოფისის გაყიდვა არჩევნებამდე შეაჩერა

    ახმეტის მუნიციპალიტეტის მერიამ დღეს, 7 ოქტომბერს გამართულ საკრებულოს სხდომაზე უკან…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]