• weather cur horoscope

    მე და სახელმწიფო - რა სერვისებს სთავაზობს იურიდიული დახმარების სამსახური პანკისის მოსახლეობას

    ხუთშაბათი, 20 ივნისი 2019 20:56 view 785
    მე და სახელმწიფო - რა სერვისებს სთავაზობს იურიდიული დახმარების სამსახური პანკისის მოსახლეობას

    პანკისის ხეობის სოფელ დუისში იურიდიული დახმარების სამსახურის საკონსულტაციო ცენტრი გაიხსნა. იურიდიული დახმარების სამსახური უფასო სამართლებრივი დახმარების გამწევი სახელმწიფო ორგანიზაციაა.

    რატომ შეარჩია იურიდიული დახმარების სამსახურმა რიგით მე-8 საკონსულტაციო ცენტრის გასახსნელად პანკისის ხეობა; რა სერვისების შეთავაზებას აპირებს სამსახური პანკისის მოსახლეობისთვის, მათ შორის ლტოლვილებისთვის; რა როლი ექნება იურიდიული დახმარების სამსახურის საკონსულტაციო ცენტრს პანკისის ხეობაში კანონის უზენაესობის განმტკიცებასა და სახელმწიფო ინსტიტუტების მიმართ ნდობის გაზრდაში?

    სტუდიაში გადაცემის სტუმარია:

    რაჟდენ კუპრაშვილი - იურიდიული დახმარების სამსახურის დირექტორი.

    სხვის სახლ-კარში

    პანკისის ხეობის სოფლების მოსახლეობის აბსოლუტურ უმრავლესობას გადაულახავ პრობლემად აქვს ქცეული საცხოვრებელ სახლებსა და საკარმიდამო მიწის ნაკვეთებზე უფლების რეგისტრაცია. მათ ფაქტობრივ მფლობელობაში არსებული უძრავი ქონების შესყიდვა ძირითადად განხორციელებულია 1990-იან წლებში და შემდეგ, ეთნიკურად ოსი მოსახლეობისგან, რომლებიც იაფად ყიდდნენ სახლებს და მუდმივ საცხოვრებლად რუსეთის ფედერაციაში მიდიოდნენ. 

    ქონების გასხვისება ხდებოდა კანონით დადგენილი ფორმის დაუცველად, ზეპირად ან „შინაურულად“ დადებული წერილობითი გარიგებებით და ფაქტობრივად, მხოლოდ თანხის გადახდით შემოიფარგლებოდა. 

    ამჟამად სოფლების მოსახლეობის უმეტეს ნაწილს არ გააჩნია იურიდიულად ვარგისი წერილობითი დოკუმენტი, რის გამოც შეუძლებელია საკუთრების (ან თუნდაც სარგებლობის) უფლების საჯარო რეესტრში დარეგისტრირება. პრობლემას კიდევ უფრო ართულებს ის გარემოება, რომ სახლების ფორმალურ მესაკუთრეთა უმეტესობა უკვე გარდაცვლილია, ხოლო მათი მემკვიდრეების ადგილსამყოფელის დადგენა ვერ ხერხდება. 

    ნახეთ პანკისის სათემო რადიოს რეპორტაჟი: 

    სიახლეები

    ახალი დეტალები პანკისში მომხდარი მკვლელობის საქმეზე

    პანკისის ხეობის სოფელ საკობიანოში მომხდარი შეიარაღებული დაპირისპირებისას 37 წლის ვისო…

    პანკისში მკვლელობის ფაქტზე არბი ქავთარაშვილი და რამაზ ხანგოშვილი დააკავეს

    კახეთის პოლიციის დეპარტამენტის თანამშრომლებმა პანკისის ხეობის სოფელ საკობიანოში მომხდარი შეიარაღებული…

    რა მოხდა მკვლელობის დღეს და მანამდე - სისხლიანი კონფლიქტი პანკისში

    მეხუთე დღეა, მუთოშვილების ოჯახში, ადრე დილიდან გვიან ღამემდე ხალხის ნაკადი…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]