პანკისის ხეობაში 27 მვტ სიმძლავრის ჰიდროელექტროსადგურის, „სამყურისწყალი 2 ჰესის“ მშენებლობა სავარაუდოდ ნოემბერში დაიწყება. როგორც კომპანია „ფერის“ გენერალურმა დირექტორმა, ლაშა იორდანიშვილმა პანკისის სათემო რადიოს უთხრა, „ხადორი 3“-სგან განსხვავებით, „სამყურისწყალი 2 ჰესი“ დასახლებული პუნქტიდან 15 კილომეტრით იქნება დაშორებული.

11 სექტემბერს, ოთხშაბათს, 16:00 საათზე, სოფელ დუისში, კახეთის რეგიონული განვითარების ფონდის ახალგაზრდული ცენტრის ოფისში, პანკისის დემოკრატიის სკოლის საინფორმაციო შეხვედრა გაიმართება. მოქალაქეები მიიღებენ ინფორმაციას სკოლის პროგრამის და სწავლებასთან დაკავშირებით მათთვის საინტერესო საკითხებზე.

პანკისის ხეობის მაცხოვრებლებმა თბილისში, გერმანიის საელჩოსთან აქცია გამართეს ბერლინში მოკლული ზელიმხან ხანგოშვილის საქმესთან დაკავშირებით. აქციის მონაწილეები გერმანიის ხელისუფლებისგან ითხოვენ, პასუხისგებაში მისცეს ზელიმხან ხანგოშვილის მკვლელობაში მონაწილე ყველა პირი.

პანკისის ხეობის სოფელ დუისში ადასტურებენ გვიან საღამოს გავრცელებულ ინფორმაციას, რომ გერმანიაში პანკისელი, 40 წლის ზელიმხან ხანგოშვილი მოკლეს. გერმანული საინფორმაციო საშუალებების ინფორმაციით, მკვლელობის ფაქტზე პოლიციას სავარაუდოდ ერთი პირი ჰყავს დაკავებული.