ახმეტა–თიანეთის 30 კილომეტრიანი საავტომობილო გზის სარეაბილიტაციო სამუშაოები, რომელიც 2018 წლიდან მიმდინარეობს, 2021 წლის 31 მაისს უნდა დასრულდეს. ამის შესახებ პანკისის სათემო რადიოს საავტომობილო გზების დეპარტამენტში განუცხადეს.

ყრუთა კავშირის კახეთის ორგანიზაციის ძველი საცხოვრებელი რომ არა, კორონავირუსის პანდემიის გამო მაია დანელიშვილი უმუშევარი დარჩებოდა, ისევ მხოლოდ 100 ლარიანი პენსიის ამარა. 100 ლარი კი საქსტატის მიერ, შრომისუნარიანი ადამიანისთვის გამოთვლილ საარსებო მინიმუმზე ბევრად, 68 ლარით დაბალია.

ყოველ კვირას, ჭართალას, შახვეტილას, ნადუქნარის და საბუეს გზაზე, მიკროავტობუსში სულ 10-ოდე ადამიანი იყრის თავს, ძირითადად ასაკოვნები. კვირა ახმეტაში ბაზრის დღეა. ილტოს ხეობის მცხოვრებლები, ამ გზაზე ცვლიან ყოველდღიურ ამბებს იმის შესახებ, რომ თურმე ნადუქნარის სკოლა, მოსწავლეების არარსებობის გამო დახურულა; მეორე „კორონობის“ დროს ილტოს ხეობის სოფლებში დახმარება ჯერაც არავის მიუღია და 2020 წელიც ისე ჩაივლის, რომ „მთის სტატუსს“ ხეობის ბევრი სოფელი ისევ ვერ მიიღებს.

პანკისის ხეობაში, მდინარე ალაზანზე, სოფლების - ბირკიანისა და ომალოს დამაკავშირებელი საავტომობილო ხიდის მშენებლობა მიმდინარეობს, რომელიც მომავალში, შესაძლოა, პანკისი-თუშეთის საავტომობილო გზის ნაწილი გახდეს.